കേരളത്തില്‍ നിന്ന് ഗള്‍ഫിലേക്കുള്ള വിമാനയാത്രാ നിരക്കില്‍ വന്‍ കുറവ്. മിക്ക കമ്പനികളും ഓണാവധിക്ക് ശേഷമാണ് നിരക്കില്‍ മാറ്റം വരുത്തിയിട്ടുള്ളത്. പുതിയനിരക്കുകള്‍ ക്രിസ്തുമസ്, പുതുവത്സര നിരക്കുകള്‍ പ്രഖ്യാപിക്കുന്നത് വരെ തുടരുമെന്നാണ് വിമാന കമ്പനി അധികൃതര്‍ പറയുന്നത്. പുതിയ നിരക്കുകള്‍ പ്രഖ്യാപിക്കുന്നത് വരെ കൊച്ചിയില്‍ നിന്ന് ദുബായിലേക്കുള്ള നിലവിലെ നിരക്ക് വെറും 5000 രൂപ മാത്രമാണ്.

ഇനി അബുദാബി, ഷാര്‍ജ എന്നിവിടങ്ങളിലേക്കും 10,000 രൂപയ്ക്കുള്ള മടക്ക ടിക്കറ്റുകള്‍ കേരളത്തിലെ എല്ലാ വിമാനത്താവളങ്ങളില്‍ നിന്നും ലഭ്യമാണ്. എന്നാല്‍, ക്രിസ്തുമസ്, പുതുവത്സരത്തോടെ നിരക്ക് കുത്തനെ ഉയരും. ഈ നിരക്കുകള്‍ 15,000 രൂപയോ അതിന് മുകളിലോ ആവും. എന്നാല്‍, ഉംറ തീര്‍ഥാടകരുടെ തിരക്കുള്ളതിനാല്‍ ജിദ്ദ, ദമാം, റിയാദ് തുടങ്ങിയ സ്ഥലങ്ങളിലേക്കുള്ള ടിക്കറ്റ് നിരക്കുകളില്‍ കാര്യമായ കുറവില്ല.