ലഖ്‌നൗ: യൂനിവേഴ്‌സിറ്റികളില്‍ ആര്‍.എസ്.എസ് ആശയം നടപ്പിലാക്കാനുള്ള ശ്രമമാണ് കേന്ദ്ര സംസ്ഥാന സര്‍ക്കാരുകള്‍ നടത്തുന്നതെന്ന് അഖിലേഷ് യാദവ്. കാംപസുകളില്‍ ഇന്നു കാണുന്ന അശാന്തത ഇതാണ് സൂചിപ്പിക്കുന്നതെന്ന് അദ്ദേഹം കുറ്റപ്പെടുത്തി. ജെ.എന്‍.യു, ഡല്‍ഹി, അലഹബാദ് തുടങ്ങിയ യൂനിവേഴ്‌സിറ്റികളിലെ വിദ്യാര്‍ഥികളുമായി നടത്തിയ അഭിമുഖത്തില്‍ സംസാരിക്കുകയായിരുന്നു അദ്ദേഹം. ബി.ജെ.പി അധികാരത്തില്‍ എത്തിയപ്പോഴൊക്കെ വിദ്യാഭ്യാസ അന്തരീക്ഷം നശിപ്പിക്കുകയും യൂനിവേഴ്‌സിറ്റികളുടെ സല്‍പ്പേരിന് കളങ്കം വരുത്തുകയുംചെയ്തിട്ടുണ്ടെന്ന് അഖിലേഷ് പറഞ്ഞു.