പാലക്കാട്: മൃഗസംരക്ഷണവകുപ്പിന്റെ ആഭിമുഖ്യത്തില്‍ നാല്  ദിവസത്തെ ആടുവളര്‍ത്തല്‍ പരിശീലനപരിപാടി നടത്തുന്നു. ഒരു ദിവസം ഫാം സന്ദര്‍ശനവും ഉണ്ടായിരിക്കും. മൃഗസംരക്ഷണ വകുപ്പിന് കീഴിലുളള മലമ്പുഴ ട്രെയിനിങ് സെന്ററിലും, കുമരനെല്ലൂര്‍ മൃഗാശുപത്രിയിലുമാണ് പരിശീലനം നടക്കുക. ചിറ്റൂര്‍, ആലത്തൂര്‍, പാലക്കാട് താലൂക്കിലെ  താല്‍പ്പര്യമുളള കര്‍ഷകര്‍ മൃഗസംരക്ഷണവകുപ്പിന്റെ മലമ്പുഴ ട്രെയിനിങ് സെന്ററിലും പട്ടാമ്പി, ഒറ്റപ്പാലം മണ്ണാര്‍ക്കാട് താലൂക്കില്‍ പെട്ടവര്‍ കുമരനല്ലൂര്‍ മൃഗാശുപത്രിയിലും ഓഗസ്റ്റ് 30 ന് മുന്‍പ്  അപേക്ഷിക്കണം. പരിശീലനത്തില്‍ പങ്കെടുക്കുന്ന കര്‍ഷകര്‍ക്ക് പരിശീലന സര്‍ട്ടിഫിക്കറ്റും നല്‍കും. ഓരോ പരിശീലനകേന്ദ്രത്തിലും 50 പേര്‍ക്കാണ് പങ്കെടുക്കാന്‍ അവസരം. ആദ്യം ലഭിക്കുന്ന അപേക്ഷകരെ മുന്‍ഗണനാടിസ്ഥാനത്തില്‍ പരിഗണിക്കും.