ന്യൂഡല്‍ഹി: വംശനാശം നേരിട്ട് നശിച്ചുകൊണ്ടിരിക്കുന്ന സസ്യവര്‍ഗത്തെ ചൈനയില്‍ കണ്ടെത്തി. ഹെയ്‌ലോങ്ജാങ് പ്രവിശ്യയിലെ ചതുപ്പുനിലത്തിലാണ് വെള്ളത്തണ്ട് ഇനത്തില്‍പ്പെട്ട ചെടിയെ കണ്ടെത്തിയത്.

ക്വിസ്സിങ്കേ ദേശീയ പ്രകൃതി റിസര്‍വ്വിലെ ഗവേഷകരാണ് സര്‍വേ നടത്തിയത്. സെപ്റ്റംബര്‍ 20നും 23നും ഇടയില്‍ നടത്തിയ സര്‍വേയില്‍ 5000 വാട്ടര്‍വീല്‍ എന്നറിയപ്പെടുന്ന സസ്യത്തെയാണ് കണ്ടെത്തിയത്. 600 സ്‌ക്വയര്‍ മീറ്റര്‍ ഏരിയയിലായിരുന്നു സര്‍വേ. മണ്ണില്‍ അധികം വേരിറങ്ങാതെ വെള്ളത്തിലും കോള്‍ നിലങ്ങളിലും വ്യാപകമായി കണ്ടിരുന്ന ഒരിനം സസ്യമാണ് വാട്ടര്‍വീല്‍. 1999ലാണ് അന്താരാഷ്ട്ര പ്രകൃതി സംരക്ഷണം സംഘടന ഇവയെ വംശനാശ നേരിടുന്ന സസ്യങ്ങളുടെ ഇനത്തില്‍പെടുത്തിയത്.