ന്യൂഡല്‍ഹി: ഇനി വീട്ടിലും ഓഫിസിലും ഡോള്‍ബി അറ്റ്‌മോസില്‍ നിങ്ങള്‍ക്ക് പാട്ട് കേള്‍ക്കാം സിനിമ കാണാം. അതിനുള്ള സൗണ്ട് ബാറാണ് ഇപ്പോള്‍ സോണി അവതരിപ്പിച്ചിരിക്കുന്നത്. HT-ST5000 എന്ന പേരിലാണ് ഒന്നര ലക്ഷം രൂപയുടെ സൗണ്ട് ബാര്‍ സോണി ഇന്ത്യ പുറത്തിറക്കിയത്.

ഡോള്‍ബി അറ്റ്‌മോസില്‍ 7.1.2 ചാനല്‍ സൗണ്ട്ബാറില്‍ ഉയര്‍ന്ന നിലവാരത്തിലുള്ള ശബ്ദമാണ് പുറത്തുവിടുക. എസ് ഫോഴ്‌സ് പ്രോ ഫ്രണ്ട് സറൗണ്ട ടെക്‌നോളജിയും വയര്‍ലെസ് മ്യൂസിക് സിസ്റ്റവും സൗണ്ട് ബാറിന് കരുത്തേകും.

തിയേറ്ററില്‍ സിനിമ കാണുന്ന പോലെ ശബ്ദ വ്യതിയാനം ഉപയോഗിച്ച് വീട്ടിലിരുന്നും സിനിമ കാണാമെന്നാണ് കമ്പനിയുടെ അവകാശവാദം. രണ്ട് ഇന്‍ ബില്‍ട്ട് അപ് ഫയറിങ് സ്പീക്കര്‍ ആണ് സൗണ്ട് ബാറിന്റെ നെടുംതൂണ്‍. 150,990 രൂപയാണ് ഇതിന്റെ വിപണി വില.