ചെന്നൈ: രാഷ്ട്രീയത്തില്‍ വിജയിക്കാന്‍ പണവും പേരും പ്രശസ്തിയും മാത്രം പോരെന്ന് ദ്ക്ഷിണേന്ത്യന്‍ സൂപ്പര്‍താരം രജനീകാന്ത്. ചെന്നെയില്‍ ശിവാജി ഗണേശന്റെ സ്മാരകം ഉദ്ഘാടനം ചെയ്യുകയായിരുന്നു അദ്ദേഹം.

കമല്‍ഹാസനും തമിഴ്‌നാട് മുന്‍ മുഖ്യമന്ത്രി പന്നീര്‍സെല്‍വവും ചടങ്ങില്‍ പങ്കെടുത്തു.

പ്രശസ്തി കൊണ്ട് മാത്രം രാഷ്ട്രീയത്തില്‍ വിജയിക്കാന്‍ സാധിക്കില്ല. അതനേക്കാള്‍ വലുതായ എന്തോ ഒന്നാണ് സിനിമാക്കാരനെ രാഷ്ട്രീയക്കാരനാക്കുന്നത്. - രജനി ചൂണ്ടിക്കാട്ടി.

  ഒരുപക്ഷേ, കമല്‍ഹാസന് അതിനെ കുറിച്ച് ധാരണയുണ്ടായിരിക്കാം. രണ്ട്? മാസങ്ങള്‍ക്ക് മുമ്പ് ചോദിച്ചിരുന്നെങ്കില്‍ അദ്ദേഹം എനിക്ക് ആ രഹസ്യം പറഞ്ഞു തന്നേനെ. ഇപ്പോള്‍ ചോദിക്കുമ്പോള്‍ കൂടെ വരാനാണ് ആവശ്യപ്പെടുന്നതെന്നും രജനീകാന്ത് തമാശ രൂപേണ പറഞ്ഞു.

തമിഴ് സൂപ്പര്‍ താരങ്ങളായിരുന്ന രജനീകാന്തും കമല്‍ഹാസനും രാഷ്ട്രീയ പ്രവേശനം നടത്തുന്നുവെന്ന് നേരത്തെ തന്നെ വാര്‍ത്തകളുണ്ടായിരുന്നു. താന്‍ പുതിയ പാര്‍ട്ടി രൂപീകരിക്കുമെന്ന് കമല്‍ഹാസന്‍ പറയുകയും ചെയ്തിരുന്നു.