റിയാദ്: സ്ത്രീകള്‍ക്ക് ഡ്രൈവിങിനുള്ള അനുമതി നല്‍കിയതിന് പിന്നാലെ യൂനിവേഴ്‌സിറ്റികളില്‍ ഡ്രൈവിങ് പരിശീലന കേന്ദ്രങ്ങള്‍ ആരംഭിക്കും. അധികൃതരുമായി സഹകരിച്ച് പ്രിന്‍സസ് നൂറാ യൂനിവേഴ്‌സിറ്റിയില്‍ ഡ്രൈവിങ് സ്‌കൂളുകള്‍ ആരംഭിക്കുമെന്ന് അധികൃതര്‍ പറഞ്ഞു. സ്ത്രീകള്‍ക്ക് ഡ്രൈവിങ് അനുമതി നല്‍കിയതിന് ശേഷം രാജ്യത്ത് ആദ്യമായാണ് ഇത്തരമൊരു പ്രഖ്യാപനം നടത്തുന്നതെന്ന് അധികൃതര്‍ പറഞ്ഞു. വനിതാ യൂനിവേഴ്‌സിറ്റിയായ നൂറായില്‍ 60,000 യുവതികള്‍ പഠനം നടത്തുന്നുണ്ട്.
സ്ത്രീകള്‍ക്ക് വാഹനം ഓടിക്കുന്നതിനുള്ള അനുമതി കഴിഞ്ഞ ചൊവ്വാഴ്ചയാണ് സഊദി അധികൃതര്‍ പ്രഖ്യാപിച്ചത്.