വടക്കാഞ്ചേരി: ജീവകാരുണ്യ പ്രവര്‍ത്തനത്തിന്റെ മഹനീയതയുമായി വടക്കാഞ്ചേരി ഗവണ്‍മെന്റ് ഹയര്‍ സെക്കന്‍ഡറി സ്‌കൂളിലെ എന്‍.എസ്.എസ് യൂനിറ്റ്. വടക്കാഞ്ചേരി നഗരസഭയിലെ വിവിധ ഡിവിഷനുകളില്‍ ഉള്‍പ്പെട്ട 20 നിര്‍ധന കുടുംബങ്ങള്‍ക്ക്  നിത്യോപയോഗ സാധനങ്ങളടങ്ങിയ കിറ്റ് വിതരണം ചെയ്തു.
നഗരസഭ ചെയര്‍പേഴ്‌സണ്‍ ശിവപ്രിയ സന്തോഷ്  ഉദ്ഘാടനം ചെയ്തു. സ്ഥിരം സമിതി അധ്യക്ഷന്‍ എന്‍.കെ പ്രമോദ്കുമാര്‍ അധ്യക്ഷനായി. കൗണ്‍സിലര്‍മാരായ പ്രസീത സുകുമാരന്‍ വി.പി മധു, ആക്ട്‌സ് യൂനിറ്റ് പ്രസിഡന്റ് വി.വി ഫ്രാന്‍സീസ്, പ്രസ് ക്ലബ്ബ് പ്രസിഡന്റ് ശശികുമാര്‍ കൊടയ്ക്കാടത്ത്, ഹയര്‍ സെക്കന്‍ഡറി പ്രിന്‍സിപ്പല്‍ വി.ചന്ദ്രശേഖരന്‍, വി.എച്ച്.എസ്.ഇ പ്രിന്‍സിപ്പല്‍ ഷെറിന്‍ സലീം, എന്‍.എസ്.എസ് പ്രോഗ്രാം ഓഫിസര്‍ പി.വി വേണുഗോപാലന്‍, ശ്രീദേവി, നിധീഷ് തുടങ്ങിയവര്‍ പങ്കെടുത്ത് സംസാരിച്ചു.