കണ്ണൂര്‍: കലാ-സാംസ്‌കാരിക കൂട്ടായ്മയായ വേവ്‌സ് കണ്ണൂരിന്റെ മൂന്നാമത് ഡോ.സുകുമാര്‍ അഴീക്കോട് പുരസ്‌കാരത്തിന് പ്രശസ്ത കവിയും ഗാനരചയിതാവുമായ ശ്രീകുമാരന്‍തമ്പി അര്‍ഹനായി. 15,001 രൂപയും പ്രശസ്തി പത്രവും ഫലകവുമാണ് പുരസ്‌കാരം. എട്ടിന് കണ്ണൂര്‍ സാധു കല്ല്യാണമണ്ഡപത്തില്‍ നടക്കുന്ന ചടങ്ങില്‍ നോവലിസ്റ്റ് എം. മുകുന്ദന്‍ പുരസ്‌കാരം സമ്മാനിക്കും.
ഹിന്ദുസ്ഥാന്‍ പെട്രോളിയം മുന്‍ ചെയര്‍മാനായിരുന്ന വരുണ്‍ ബാലകൃഷ്ണനെയും സിറ്റിസെന്റര്‍ ചെയര്‍മാനായ അബ്ദുല്ല സുബൈറിനെയും തലശ്ശേരി ജ്ഞാനോദയ യോഗം പ്രസിഡന്റ് ആയിരുന്ന കെ.പി രത്‌നാകരനെയും ആദരിക്കും. കെ.പി രത്‌നാകരന്റെ വിയോഗത്തില്‍ കുടുംബത്തിലെ മറ്റൊരാള്‍ ആദരവ് ഏറ്റുവാങ്ങും. വാര്‍ത്താസമ്മേളനത്തില്‍ വേവ്‌സ് ഭാരവാഹികളായ ഒ.എന്‍ രമേശന്‍, കെ.എം ബലരാമന്‍, ഒ. ജയരാജന്‍, അഡ്വ. സി.കെ രത്‌നാകരന്‍, പി. നാരായണന്‍ പങ്കെടുത്തു.