ശ്രീനഗര്‍: ശ്രീനഗറില്‍ ബി.എസ്.എഫ് ക്യാംപിനു നേരെ തീവ്രവാദികളുടെ ആക്രമണം. രണ്ടു ഭീകരരെ വധിച്ചതായി സൈനിക വൃത്തങ്ങള്‍ അറിയിച്ചു. സംഭവത്തില്‍ രണ്ടു ബി.എസ്.എഫ് ജവാന്മാര്‍ക്ക് പരുക്കേറ്റു.

ശ്രീനഗറിലെ ഗോഗോലാന്റിലെ വിമാനത്താവളത്തിന് സമീപത്തെ എയര്‍ഫോഴ്‌സ് സ്‌റ്റേഷന് സമീപം ഇന്നു പുലര്‍ച്ചെ 4.30ഓടെയായിരുന്നു ഭീകരാക്രമണം. ക്യാംപിനകത്തേക്ക് നുഴഞ്ഞുകയറിയ ഭീകരരെ സൈനികര്‍ വെടിവച്ചിടുകയായിരുന്നു. തുടര്‍ന്ന് ഏറെ നേരം ഇരു കൂട്ടരും തമ്മില്‍ വെടിവയ്പ്പുണ്ടായി. നാലു പേര്‍ ഉള്‍പ്പെട്ട ചാവേര്‍ സംഘമാണ് ആക്രമത്തിന് പിന്നിലെന്ന് കരുതുന്നു.