ലാസ് വേഗസ്: ലാസ് വേഗസ് വെടിവെപ്പു നടത്തിയ സ്റ്റീഫന്‍ പാഡക്കിന്റെ പിതാവും ക്രിമിനലായിരുന്നെന്ന് റിപ്പോര്‍ട്ട്. 1960കളിലെ കുപ്രസിദ്ധനായ ബാങ്ക് കവര്‍ച്ചക്കാരനായിരുന്നു പാട്രിക് ബെഞ്ചമിന്‍ പാഡക്. അന്ന് എഫ്.ബി.ഐ (ഫെഡറല്‍ ബ്യൂറോ ഓഫ് ഇന്‍വെസ്റ്റിഗേഷന്‍) പുറത്തിറക്കിയ പിടികിട്ടാ പുള്ളികളുടെ പട്ടികയില്‍ ഇയാളുണ്ടായിരുന്നു.

പിന്നീട് വ്യക്തമല്ലാത്ത കാരണങ്ങളാല്‍ 1977ല്‍ ഇയാളെ പട്ടികയില്‍ നിന്ന് നീക്കം ചെയ്തു. ഫീനിക്‌സ്, അരിസോണ തുടങ്ങിയ പ്രദേശങ്ങളില്‍ നടന്ന ബാങ്ക് കവര്‍ച്ച പരമ്പരകളിലെ പ്രധാന പ്രതിയായിരുന്നു ബെഞ്ചമിന്‍ പാഡക്. അന്ന് 15 വയസ്സായിരുന്നു സ്റ്റീഫന്റെ പ്രായം.

ജാസണ്‍ ആല്‍ഡീന്‍ എന്ന സംഗീതജ്ഞന്‍ സ്റ്റേജില്‍ പരിപാടി അവതരിപ്പിക്കുന്നതിനിടെയായിരുന്നു വെടിവയ്പ്പ്. 200ല്‍ അധികം പേര്‍ക്ക് വെടിവയ്പ്പില്‍ പരുക്കേറ്റിരുന്നു.