എരുമപ്പെട്ടി: ഗ്രാമപഞ്ചായത്തിലെ വികസന സെമിനാര്‍ ബ്ലോക്ക് പഞ്ചായത്ത് പ്രസിഡന്റ് എസ്.ബസന്ത്‌ലാല്‍ ഉദ്ഘാടനം ചെയ്തു. ഗ്രാമപഞ്ചായത്ത് പ്രസിഡന്റ് മീന്‍ ശലമോന്‍ അധ്യക്ഷയായി. കൃഷിക്കും പശ്ചാത്തലമേഖലയ്ക്കും ഊന്നല്‍ നല്‍കിയാണ് 2016-17 സാമ്പത്തിക വര്‍ഷത്തിലെ പദ്ധതികള്‍ തയ്യാറാക്കിയിട്ടുള്ളത്. വയോജന പാര്‍ക്ക്, മാലിന്യ സംസ്‌കരണം, നെല്‍ക്യഷി വികസനം, ചെങ്ങാലിക്കോടന്‍ നേന്ത്രവാഴ കൃഷി വിപണന കേന്ദ്രം, ബഡ്‌സ് സ്‌കൂള്‍ അടിസ്ഥാന സൗകര്യം മെച്ചപ്പെടുത്തല്‍, ഹൈമാസ്റ്റ് ലൈറ്റുകള്‍ സ്ഥാപിക്കല്‍ എന്നിവയാണ് പ്രധാന പദ്ധതികള്‍, റോഡുകളുടെ നിര്‍മാണവും പുനരുദ്ധാരണവും, കുടിവെള്ള പദ്ധതികള്‍ എന്നിവയ്ക്കും ഫണ്ട്  വകയിരുത്തിയിട്ടുണ്ടണ്ട്. വൈസ് പ്രസിഡന്റ് കെ.ഗോവിന്ദന്‍കുട്ടി പദ്ധതി വിശദീകരണം നടത്തി. ജില്ലാപഞ്ചായത്ത് അംഗം കല്ല്യാണി.എസ്.നായര്‍ കരട് പദ്ധതി രേഖ പ്രകാശനം ചെയ്തു. വികസന സ്റ്റാന്റിങ് കമ്മിറ്റി ചെയര്‍പേഴ്‌സണ്‍ പ്രീതി സതീഷ്, പഞ്ചായത്ത് സെക്രട്ടറി എന്‍.ഹരികുമാര്‍ തുടങ്ങിയവര്‍ സംസാരിച്ചു.