ന്യൂഡല്‍ഹി: 2017ലെ ഇന്ത്യന്‍ മൊബൈല്‍ കോണ്‍ഗ്രസിലെ ഗാഡ്ജറ്റ് ഓഫ് ദി ഇയര്‍ അവാര്‍ഡ് സ്വന്തമാക്കിയിരിക്കുകയാണ് സാംസങ് ഗ്യാലക്‌സി നോട്ട് 8. ബിക്‌സ്ബി ഡിജിറ്റല്‍ അസിസ്റ്റന്റ്, എസ് പെന്‍ എന്നീ ഫീച്ചറുകളുമായി അവതരിപ്പിച്ച ഫോണിന് 67,900 രൂപയാണ് ആരംഭ വില.

സെപ്റ്റംബര്‍ 12നാണ് ഫോണ്‍ ഇന്ത്യന്‍ വിപണിയില്‍ അവതരിപ്പിച്ചത്. 6.3 ഇഞ്ച് വലിപ്പത്തിലുള്ള ഫോണില്‍ 6 ജി.ബി റാം, 256 ജി.ബി വരെ വര്‍ധിപ്പിക്കാവുന്ന 64 ജി.ബി ഇന്റേണല്‍ മെമ്മറി 12 മെഗാപിക്‌സല്‍ പിന്‍ക്യാമറ എന്നിവയാണ് മറ്റു പ്രത്യേകതകള്‍. ഇന്ത്യയില്‍ പ്രീമിയം സ്മാര്‍ട് ഫോണ്‍ മേഖലയുടെ വളര്‍ച്ചയാണ് തങ്ങള്‍ ഇതിലൂടെ ഉദ്ദേശിക്കുന്നതെന്ന് സാംസങ് അറിയിച്ചു.