മലപ്പുറം: കേന്ദ്ര-സംസ്ഥാന സര്‍ക്കാറുകളുടെ ദുര്‍ഭരണത്തിനെതിരെ ഒക്ടോബര്‍ 13നു യു.ഡി.എഫ് പ്രഖ്യാപിച്ച ഹര്‍ത്താല്‍ 16 ലേക്കു മാറ്റി. അണ്ടര്‍-17 ലോകകപ്പ് നടക്കുന്നതിനെ തുടര്‍ന്നാണ് ഹര്‍ത്താല്‍ മാറ്റിയതെന്ന് യുഡിഎഫ് നേതാക്കള്‍ അറിയിച്ചു.
രാവിലെ ആറു മുതല്‍ വൈകുന്നേരം ആറു വരെയാണ് ഹര്‍ത്താല്‍.

ജി.എസ്.ടി നടപ്പാക്കിയതിലൂടെ ഉണ്ടായിരിക്കുന്ന പ്രതിസന്ധിയിലും ഇന്ധനവില വര്‍ധനയ്‌ക്കെതിരെ നടപടി സ്വീകരിക്കാത്തതിലും പ്രതിഷേധിച്ചാണ് ഹര്‍ത്താലെന്ന് വേങ്ങരയില്‍ പ്രതിപക്ഷ നേതാവ് രമേശ് ചെന്നിത്തല വാര്‍ത്താസമ്മേളനത്തില്‍ അറിയിച്ചു.