മുംബൈ: മുംബൈ എല്‍ഫിന്‍സ്റ്റണ്‍ റെയില്‍വേ സ്റ്റേഷനില്‍ നടപ്പാലത്തില്‍ തിക്കിലും തിരക്കിലുംപെട്ട് മരിച്ചവരുടെ ചിത്രങ്ങളില്‍ തന്റെ ചിത്രം കണ്ട് വ്യാപാരിയായ ഇമ്രാന്‍ ഷെയ്ക്ക് ഞെട്ടി.
ബന്ധുക്കളും സുഹൃത്തുക്കളുമെല്ലാം ഇയാളുടെ മരണത്തില്‍ ദുഃഖിതരുമായിരുന്നു. ഇതോടെ തുണി വ്യാപാരിയായ ഇമ്രാന്‍ എല്ലാവര്‍ക്കും ഞാന്‍ മരിച്ചിട്ടില്ല, ഇപ്പോഴും ജീവിച്ചിരിക്കുന്നുവെന്ന് കാണിച്ച് സന്ദേശമയച്ചാണ് എല്ലാവരേയും ആശ്വസിപ്പിച്ചത്. അതേസമയം മരിക്കാത്ത ആളുടെ ചിത്രം മരിച്ചെന്നുകാണിച്ച് കൊടുക്കേണ്ടിവന്നതില്‍ റെയില്‍വേ അധകൃതര്‍ ഇമ്രാനോട് ക്ഷമ ചോദിക്കുകയും ചെയ്തു.