ഗാന്ധിനഗര്‍: മീശവച്ചതിന് ദലിതുകള്‍ക്കുനേരെയുണ്ടാകുന്ന മേല്‍ജാതിക്കാരുടെ ആക്രമണത്തിനെതിരേ പ്രതിഷേധം. ഗുജറാത്തിലെ ഗാന്ധിനഗര്‍ ഗ്രാമത്തിലാണ് മീശവച്ചതിന് മേല്‍ജാതിക്കാര്‍ ദലിതുകളെ ആക്രമിച്ചത്. തുടര്‍ച്ചയായി മൂന്നുപേര്‍ക്കാണ് ആക്രണത്തിന് ഇരകളാകേണ്ടി വന്നത്. ഇതേതുടര്‍ന്ന് 300ഓളം വരുന്ന ദലിത് യുവാക്കള്‍ വാട്‌സ് ആപില്‍ മീശയും അതിന് താഴെ മിസ്റ്റര്‍ ദലിത് എന്ന് രേഖപ്പെടുത്തിയുള്ള ചിത്രം പോസ്റ്റ് ചെയ്ത് പ്രതിഷേധം തുടങ്ങിയിട്ടുണ്ട്.
ഗര്‍ഭ ആഘോഷം വീക്ഷിച്ചതിന് കഴിഞ്ഞ ആഴ്ച ഒരു യുവാവിനെ മേല്‍ജാതിക്കാര്‍ ആക്രമിച്ച് കൊലപ്പെടുത്തിയിരുന്നു. ഇതിനു പിന്നാലെയാണ് മീശപ്രശ്‌നവും രൂക്ഷമായത്. ഇതോടെയാണ് മിസ്റ്റര്‍ ദലിത് എന്ന പേരില്‍ വാട്‌സ്ആപില്‍ പ്രതിഷേധം തുടങ്ങിയത്.