തൊടുപുഴ: പൊതു സോഫ്റ്റ്‌വെയര്‍ ഏര്‍പ്പെടുത്തി നടപ്പാക്കിയ പൈലറ്റ് പദ്ധതി പാളിയ സാഹചര്യത്തില്‍ പിടിച്ചുനില്‍ക്കാനായി ദ്വിദിന പരിശീലന പരിപാടിയുമായി അധികൃതര്‍. ഐ.സി.ഡി.പി ഫണ്ടില്‍ നിന്നു ലക്ഷങ്ങള്‍ പൊടിച്ച് സുഖവാസ കേന്ദ്രമായ വാഗമണിലെ ഗ്രീന്‍ പാലസ് റിസോര്‍ട്ടിലാണ് ഇന്നലെ പരിപാടിക്ക് തുടക്കമായത്. ഇടുക്കിയിലെ 71 പ്രാഥമിക സഹകരണ ബാങ്കുകളുടെ സെക്രട്ടറിമാരെയാണ് പരിശീലനപരിപാടിക്ക് ക്ഷണിച്ചത്. എന്നാല്‍ 18 പേര്‍ പരിപാടി ബഹിഷ്‌ക്കരിക്കുകയായിരുന്നു. പരിശീലന പരിപാടി ഇന്ന് സമാപിക്കും.