കൊച്ചി: നടിയെ അക്രമിച്ച കേസുമായി ബന്ധപ്പെട്ട് ഗായിക റിമി ടോമി രഹസ്യ മൊഴി നല്‍കും. ഇതിനായി അവര്‍ കോതമംഗലം മജിസ്‌ട്രേറ്റ് കോടതിയിലെത്തി.

കേസില്‍ ദിലീപിന് പങ്കുണ്ടെന്ന് ഏഴാം പ്രതി ചാര്‍ലി ഇന്നു രാവിലെ മൊഴി നല്‍കിയിരുന്നു. കോയമ്പത്തൂര്‍ കോ
ടതിയിലാണ് ചാര്‍ലി രഹസ്യ മൊഴി നല്‍കിയത്. ഇയാളെ കേസില്‍ മാപ്പു സാക്ഷിയാക്കുമെന്നാണ് റിപ്പോര്‍ട്ട്.

ദിലീപിന്റെ ക്വട്ടേഷനാണെന്ന് പള്‍സര്‍ സുനി പറഞ്ഞതായും ഒന്നരക്കോടി രൂപയായിരുന്നു ക്വട്ടേഷന്‍ തുകയെന്നും ചാര്‍ലി മൊഴി നല്‍കിയിരുന്നു.

അതേസമയം, ജാമ്യത്തിലിറങ്ങിയ ദിലീപ് സാക്ഷികളെ സ്വാധീനിക്കുന്നുണ്ടൊ എന്ന് സൂക്ഷമമായി പൊലിസ് നിരീക്ഷിക്കുന്നുണ്ട്. പഴുതടച്ച രീതിയിലുള്ള കുറ്റപത്രം സമര്‍പ്പിക്കാനുള്ള തയ്യാറെടുപ്പിലാണ് പൊലിസ്.