തിരുവനന്തപുരം: ബി.ജെ.പി ജനരക്ഷ യാത്രയില്‍ നിന്ന് ഇന്ന് അമിത് ഷാ പിന്‍മാറിയതിനെ പരിഹസിച്ച് സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന്‍. പിണറായി പ്രദേശത്തു കൂടി പോകാന്‍ ധൈര്യമില്ലാഞ്ഞിട്ടാണ് അമിത് ഷാ ഇന്ന് ജനപക്ഷ യാത്രയില്‍ പങ്കെടുക്കാതിരുന്നതെന്ന് അദ്ദേഹം ആരോപിച്ചു.

അമിത് ഷാ സിംഹമാണെന്നാണ് കുമ്മനം രാജശേഖരന്‍ പറഞ്ഞിരുന്നത്. എന്നാല്‍ ഇന്നത്തെ സംഭവത്തോടെ അദ്ദേഹം പല്ലു കൊഴിഞ്ഞ സിംഹമാണെന്ന് തെളിഞ്ഞിരിക്കുയാണെന്നും അദ്ദേഹം പറഞ്ഞു.

ജനപക്ഷ യാത്രയുടെ മൂന്നാം ദിവസമായ ഇന്ന് അമിത് ഷാ എത്തുമെന്നാണ് പറഞ്ഞിരുന്നത്. എന്നാല്‍ അദ്ദേഹം പിന്നീട് പിന്‍മാറി. ഡല്‍ഹിയിലെ തിരക്കു മൂലമാണെന്നാണ് കുമ്മനം നല്‍കിയ വിശദീകരണം.