കണ്ണൂര്‍: ഈ മാസം ഒന്‍പതിനും 10 നും അഖിലേന്ത്യാ മോട്ടോര്‍ ട്രാന്‍സ്‌പോര്‍ട്ട് കോണ്‍ഗ്രസ് ആഹ്വാനം ചെയ്ത വാഹനപണിമുടക്കില്‍ പങ്കെടുക്കില്ലെന്ന് കേരളാ സ്‌റ്റേറ്റ് ബസ് ഓപ്പറേറ്റേഴ്‌സ് ഫെഡറേഷന്‍ ഭാരവാഹികള്‍ അറിയിച്ചു.
ബസ് ചാര്‍ജ് വര്‍ധന ഉള്‍പ്പെടെയുള്ള കാര്യങ്ങള്‍ പഠിക്കാന്‍ സര്‍ക്കാര്‍ കമ്മിഷനെ നിയോഗിച്ച സാഹചര്യത്തില്‍ പ്രഖ്യാപിച്ച ബസ് പണിമുടക്കും പിന്‍വലിച്ചിരുന്നു. ഈ സാഹചര്യത്തില്‍ ബസ് പണിമുടക്ക് നടത്താന്‍ തയാറല്ലെന്ന് ഫെഡറേഷന്‍ ജോയിന്റ് സെക്രട്ടറി രാജ്കുമാര്‍ കരുവാരത്ത് പറഞ്ഞു. ഫെഡറേഷന്‍ സംസ്ഥാന വൈസ് പ്രസിഡന്റ് കെ വേലായുധന്‍, കണ്ണൂര്‍ ജില്ലാ പ്രസിഡന്റ് പി.പി മോഹനന്‍, കെ.പി മോഹനന്‍, സി.പി അബൂബക്കര്‍ എന്നിവരും വാര്‍ത്താസമ്മേളനത്തില്‍ സംബന്ധിച്ചു.