കൊച്ചി: എസ്.കെ.എസ്.എസ് എഫ് സംസ്ഥാന കമ്മിറ്റിയുടെ ആഭിമുഖ്യത്തില്‍ കൊച്ചിയില്‍ പുതിയ ആസ്ഥാന മന്ദിരം പ്രവര്‍ത്തനമാരംഭിക്കുന്നു. സംഘടനയുടെ റീജ്യനല്‍ ഓഫിസ്, സ്റ്റുഡന്റ്‌സ് ഹോസ്റ്റല്‍, സഹചാരി സെന്റര്‍, സെക്കന്‍ഡറി മദ്രസ തുടങ്ങിയവയാണ് ഇപ്പോള്‍ പ്രവര്‍ത്തനമാരംഭിക്കുന്നത്. ഇതിനായി പള്ളുരുത്തി വെസ്റ്റ് കച്ചേരിപ്പടിയില്‍ ഇരുനില കെട്ടിടം സജ്ജമായിക്കഴിഞ്ഞു. എറണാകുളം മുതല്‍ തിരുവനന്തപുരം വരെയുള്ള സംഘടനാ പദ്ധതികള്‍ കൊച്ചിന്‍ ഇസ് ലാമിക് സെന്റര്‍ കേന്ദ്രീകരിച്ച് കൂടുതല്‍ വിപുലമാക്കാന്‍ ആലുവയില്‍ ചേര്‍ന്ന സൗത്ത് കേരള ഡെലിഗേറ്റ്‌സ് മീറ്റ് തീരുമാനിച്ചു.
ഒക്ടോബര്‍ 14 ന് ശനിയാഴ്ച കാലത്ത് 10 മണിക്ക് കൊച്ചിന്‍ ഇസ്‌ലാമിക് സെന്റര്‍ ഉദ്ഘാടനം ചെയ്യും. സമസ്തയുടേയും പോഷക ഘടകങ്ങളുടേയും നേതാക്കളും സാമൂഹിക രാഷ്ട്രീയ മേഖലയിലെ പ്രമുഖരും ജനപ്രതിനിധികളും സംബന്ധിക്കും. ഉദ്ഘാടനത്തിന്റെ ഭാഗമായി വിവിധ റിലീഫ് വിതരണങ്ങള്‍, മെഡിക്കല്‍ ക്യാംപ്, മദ്രസാ വിദ്യാര്‍ഥികള്‍ക്ക് മത്സരങ്ങള്‍ തുടങ്ങിയവ സംഘടിപ്പിക്കും.