ന്യൂഡല്‍ഹി: ഡല്‍ഹിയിലെ ചേരിപ്രദേശങ്ങളില്‍ വിവിധ ക്യാംപുകളിലായി കഴിഞ്ഞുകൊണ്ടിരിക്കുന്ന റോഹിംഗ്യന്‍ അഭയാര്‍ഥികള്‍ക്കായി എസ്.കെ..എസ്.എസ്.എഫിന്റെ ആഭിമുഖ്യത്തില്‍ വിവിധ കേന്ദ്രങ്ങളില്‍ നിന്ന് സ്വരൂപിച്ച ഭക്ഷ്യധാന്യങ്ങളുടെ രണ്ടാംഘട്ട വിതരണം നടത്തി. കാളിന്ദികുഞ്ചിലെ ക്യാംപില്‍ നടന്ന ചടങ്ങില്‍ എസ്.കെ.എസ്.എസ്.എഫ്. കേരള സംസ്ഥാന സെക്രട്ടറി ഡോ. ടി അബ്ദുല്‍ മജീദ് കൊടക്കാട് വിതരണോദ്ഘാടനം നിര്‍വഹിച്ചു. ഭക്ഷ്യധാന്യങ്ങള്‍ക്ക് പുറമെ ക്യാംപിലെ കുട്ടികള്‍ക്ക് വിദ്യാഭ്യാസം, പ്രാഥമിക ആവശ്യങ്ങള്‍ക്കുള്ള സംവിധാനം, തണുപ്പ് കാലത്തേക്കുള്ള പുതപ്പ്, തുടങ്ങിയ സൗകര്യങ്ങള്‍ സംഘടന ഏര്‍പ്പെടുത്തുമെന്ന് അദ്ദേഹം പറഞ്ഞു. റിലീഫ് വിതരണത്തിന് എസ്.കെ.എസ്.എസ്.എഫ് ഡല്‍ഹി ചാപ്റ്റര്‍ ഭാരവാഹികളായ നൗഫല്‍ വാഫി, ഷബീര്‍ നിസാമി, അജ്മല്‍ഹുദവി, ജബ്ബാര്‍ഹുദവി, സാക്കിര്‍ സി.ടി തുടങ്ങിയവര്‍ നേതൃത്വം നല്‍കി. ഡല്‍ഹിയിലെ ഓക്‌ല ഏരിയയിലെ ശാഹീന്‍ബാഗിലെ ക്യാംപിലാണ് ഒന്നാംഘട്ട വിതരണം നടത്തിയിരുന്നത്.