തിരുവനന്തപുരം: രഞ്ജി ട്രോഫിയിലെ ആദ്യ മത്സരത്തില്‍ കേരളത്തിന് ലീഡ്. ജാര്‍ഖണ്ഡിനെതിരായ മത്സരത്തില്‍ ഒന്നാം ഇന്നിങ്‌സില്‍ കേരളം 48 റണ്‍സിന്റെ ലീഡാണ് നേടിയത്. ജാര്‍ഖണ്ഡിനെ 202 റണ്‍സില്‍ പുറത്താക്കി ഒന്നാമിന്നിങ്‌സ് തുടങ്ങിയ കേരളം ആദ്യ ദിവസം കളി അവസാനിപ്പിക്കുമ്പോള്‍ എട്ട് വിക്കറ്റിന് 250 റണ്‍സെ നിലയില്‍.
51 റണ്‍സ് നേടിയ വിക്കറ്റ് കീപ്പര്‍ ബാറ്റ്‌സ്മാന്‍ മുഹമ്മദ് അസ്ഹറുദ്ദീനും 47 റണ്‍സുമായി പുറത്താകാതെ നില്‍ക്കുന്ന ജലജ് സക്‌സേനയുമാണ് ലീഡ് നേടാന്‍ കേരളത്തെ സഹായിച്ചത്. ഓപണര്‍ അരുണ്‍ കാര്‍ത്തിക് 26 റണ്‍സെടുത്തപ്പോള്‍ അക്ഷയ് ചന്ദ്രന്‍ 23 റണ്‍സ് നേടി. ജാര്‍ഖണ്ഡിനായി സണ്ണി ഗുപ്ത ആറ് വിക്കറ്റുകള്‍ വീഴ്ത്തി.
കളി അവസാനിക്കുമ്പോള്‍ ഏഴ് റണ്‍സുമായി നിധീഷാണ് സക്‌സേനയ്‌ക്കൊപ്പം ക്രീസില്‍.