മുംബൈ: മുംബൈയിലെ ബുച്ചര്‍ ഐലന്‍ഡിലുള്ള എണ്ണ ടാങ്കറുകളില്‍ വന്‍ അഗ്‌നിബാധ. ഇന്നലെ പുലര്‍ച്ചെ 4.30ഓടെയാണ് തീപിടിത്തമുണ്ടായത്. മണിക്കൂറുകള്‍ നീണ്ട പ്രവര്‍ത്തനങ്ങള്‍ക്കൊടുവില്‍ തീ നിയന്ത്രണ വിധേയമാണെങ്കിലും ഇവിടേക്ക് എത്താന്‍ ആയിട്ടില്ലെന്നാണ് അഗ്‌നിശമനസേന അറിയിച്ചത്. ഇന്നലെ ഏറെ വൈകിയും തീ അണയ്ക്കാനുള്ള ശ്രമം തുടര്‍ന്നുകൊണ്ടിരിക്കുകയാണെന്ന് അധികൃതര്‍ അറിയിച്ചു. അതേസമയം തീപിടിത്തത്തില്‍ ആളപായമില്ലെന്ന് മുംബൈ പോര്‍ട്ട് ട്രസ്റ്റ് അധികൃതര്‍ പറഞ്ഞു.
ഭാരത് പ്രെട്രോളിയം കോര്‍പ്പറേഷന്റെ എണ്ണ ടാങ്കറിലാണ് തീപിടിത്തമുണ്ടായത്. ഇടിമിന്നലാണ് തീപിടിത്തത്തിന് കാരണമായതെന്നാണ് പ്രാഥമിക നിഗമനം.