ന്യൂഡല്‍ഹി: ഡല്‍ഹിയിലെ ഒരു വീട്ടില്‍ എണ്‍പത്തിരണ്ട് വയസുള്ള സ്ത്രീയും അവരുടെ മൂന്ന് പെണ്‍മക്കളെയും സുരക്ഷാ ഗാര്‍ഡിനെയും കൊല്ലപ്പെട്ട നിലയില്‍ കണ്ടെത്തി. ഊര്‍മിള ജിന്‍ഡാല്‍, അവരുടെ മക്കളായ സംഗീത, നൂപുര്‍, അഞ്ജലി, സുരക്ഷാ ജീവനക്കാരന്‍ രാകേഷ് എന്നിവരാണ് കൊല്ലപ്പെട്ടത്. ഇന്നലെ രാവിലെ ഏഴോടെ പൊലിസിന് അജ്ഞാത ഫോണിലൂടെയാണ് കൊലപാതകവിവരം ലഭിച്ചത്. സ്വത്ത് തര്‍ക്കമാണ് കൂട്ടക്കൊലക്ക് കാരണമായതെന്നാണ് സംശയമെന്ന് പൊലിസ് അറിയിച്ചു.