അഹമ്മദാബാദ്: മൂന്ന് ദിവസത്തെ സന്ദര്‍ശനത്തിന് ഗുജറാത്തിലെത്തിയ മോദി ഇന്ന് ജന്മദേശമായ വട്‌നഗറില്‍. പ്രധാനമന്ത്രിയായ ശേഷം ആദ്യമായാണ് മോദി തന്റെ ജന്മദേശത്തെത്തുന്നത്.

ബാല്യത്തില്‍ മോദി ചായ വിറ്റ റെയില്‍വേ സ്റ്റേഷനിലെ പുതിയ മന്ദിരം, മെഡിക്കല്‍ കോളജ് ആശുപത്രി എന്നിവയുടെ ഉദ്ഘാടനം പ്രധാനമന്ത്രി നിര്‍വഹിക്കും.

 

[caption id="attachment_436445" align="aligncenter" width="620"]
മോദിയുടെ വരവിന് മുന്നോടിയായി അണിയിച്ചൊരുക്കിയ വട്‌നഗര്‍ റെയില്‍വേ സ്റ്റേഷന്‍[/caption]

 

മോദിയുടെ വരവിന് മുന്നോടിയായി റെയില്‍വേ സ്‌റ്റേഷനും പരിസര പ്രദേശവും വൃത്തിയാക്കി പൂക്കള്‍ കൊണ്ട് അണിയിച്ചൊരുക്കിയിട്ടുണ്ട്. മോദിയുടെ ബാല്യം മുതലുള്ള ചിത്രങ്ങള്‍ ഉള്‍പ്പെടുത്തി ഫോട്ടോ എക്‌സിബിഷനും ഇവിടെ നടക്കുന്നുണ്ട്.

ആശുപത്രി ഉദ്ഘാടനത്തിന് ശേഷം ഹട്‌കേശ്വര്‍ ക്ഷേത്രത്തിലേക്ക് ദര്‍നത്തിനായി മോദി പോവും. തുടര്‍ന്ന് നടക്കുന്ന പൊതുസമ്മേളനത്തില്‍ സമഗ്ര മിഷന്‍ ഇന്ദ്രധനുഷ് പദ്ധതിയുടെ ഉദ്ഘാടനവും നിര്‍വഹിക്കും.