ന്യൂഡല്‍ഹി: ഇന്ത്യന്‍ സ്മാര്‍ട് ഫോണ്‍ വിപണിയില്‍ ഏറെ കോളിളക്കം സൃഷ്ടിച്ച ചൈനീസ് സ്മാര്‍ട് ഫോണ്‍ ആണ് ഷവോമി. ഷവോമിയുടെ റെഡ്മി സീരിസുകള്‍ ഇന്ത്യന്‍ വിപണിയില്‍ പ്രിയങ്കരമാണ്. ഷവോമി അവതരിപ്പിക്കുന്ന ഏറ്റവും പുതിയ മോഡലായ റെഡ്മി നോട്ട് 5ന്റെ ചിത്രങ്ങളും സവിശേഷതകളുമാണ് ഇപ്പോള്‍ പുറത്തുവന്നിരിക്കുന്നത്.

നോട്ട് 5ന് 16 മെഗാപിക്‌സല്‍ പിന്‍ക്യാമറയും 5 എം.പി മുന്‍ക്യാമറയുമുണ്ടെന്നാണ് ഓണ്‍ലൈന്‍ മാധ്യമങ്ങള്‍ റിപ്പോര്‍ട്ട് ചെയ്യുന്നത്.
5.5 ഇഞ്ച് 1080 ഐ.പി.എസ് സ്‌ക്രീന്‍,3790 എം.എ.എച്ച് ബാറ്ററി,7.5 എം.എം വലിപ്പം,ക്വാല്‍കോം സ്‌നാപ് ഡ്രാഗണ്‍ 630 പ്രൊസസര്‍ എന്നിവയാണ് ഫോണിന്റെ സവിശേഷതകള്‍. എന്നാല്‍ കമ്പനി ഇതൊന്നും ഔദ്യോഗികമായി സ്ഥിരീകരിച്ചിട്ടില്ല. ഫോണ്‍ ഉടന്‍ ഇന്ത്യന്‍ വിപണിയില്‍ എത്തും.