മക്ക: കിങ് അബ്ദുല്‍ അസീസ് അന്ത്രാഷ്ട്ര ഖുര്‍ആന്‍ മത്സരത്തിന് മക്കയില്‍ തുടക്കമായി. 39 ആമത് മത്സരമാണ് മക്കയില്‍ അരങ്ങേറുന്നത്. 81 രാജ്യങ്ങളില്‍ നിന്നുള്ള 121 മത്സരാര്‍ത്ഥികളാണ് പരിപാടിയില്‍ പങ്കടുക്കുന്നത്. പ്രിലിമിനറി ടെസ്റ്റില്‍ 75 പേരാണ് യോഗ്യത നേടിയത്. മസ്ജിദുല്‍ ഹറാമില്‍ ദേശീയ, അന്തര്‍ദേശീയ മത്സര വകുപ്പ് ജനറല്‍ സിക്രട്ടറി ഡോ: മന്‍സൂര്‍ ബിന്‍ മുഹമ്മദ് അല്‍ സമീഹ് ഉദ്ഘാടനം ചെയ്തു.

മതകാര്യ വകുപ്പ് ഉദ്യോഗസ്ഥര്‍, ഹറം സന്ദര്‍ശകര്‍, തുടങ്ങിയവര്‍ ഉദ്ഘാടന പരിപാടിയില്‍ പങ്കെടുത്തു. ഖുര്‍ആന്‍ പാരായണം ശ്രവിക്കാന്‍ സ്ത്രീകള്‍ക്ക് പ്രത്യേക സൗകര്യവും തത്സമയ പ്രക്ഷേപണവും ഒരുക്കിയിട്ടുണ്ട്. അഞ്ചു ദിവസം നീലുള്ള പരിപാടി ബുധനാഴ്ച്ചയാണ് അവസാനിക്കുക.