മസ്‌കസ്: സിറിയയിലെ വിമതര്‍ക്കു നേരെ തുര്‍ക്കി വ്യോമാക്രമണം. സിറിയ-തുര്‍ക്കി അതിര്‍ത്തിയിലുള്ള ഇദ്‌ലിബ് പ്രവിശ്യയിലാണ് ഹയ്അതുത്തഹ്‌രീറുശ്ശാം പോരാളികളെ തുര്‍ക്കി സൈന്യം ആക്രമിച്ചത്.
ഇദ്‌ലിബില്‍ വിമതപോരാളികളുടെ നിയന്ത്രണത്തിലുള്ള കഫ്‌റു ലൂസിനില്‍ ആണ് ആക്രമണം നടന്നത്. അല്‍ ഖാഇദയുടെ സിറിയയിലെ ഘടകമായ നുസ്‌റ ഫ്രന്‍ഡാണ് തഹ്‌രീറുശ്ശാമിനു സഹായം നല്‍കുന്നതെന്നാണു വിവരം. തുര്‍ക്കിയില്‍നിന്നാണ് സൈന്യം വിമതര്‍ക്കെതിരേ മിസൈല്‍ വര്‍ഷം നടത്തിയത്.
അതിര്‍ത്തിക്കടുത്ത് തങ്ങളുടെ സൈന്യത്തിനുനേരെ വിമതര്‍ നടത്തിയ ആക്രമണത്തിന് തുര്‍ക്കി തിരിച്ചടി നല്‍കിയതാണെന്ന് പ്രാദേശികവൃത്തങ്ങള്‍ അറിയിച്ചു. സംഭവത്തില്‍ ആളപായം റിപ്പോര്‍ട്ട് ചെയ്തിട്ടില്ല.