താമരശ്ശേരി: താമരശ്ശേരി -എടവണ്ണ സംസ്ഥാന പാതയില്‍ കൂടത്തായിക്കടുത്ത് ചുടലമുക്കില്‍ തൃശൂരിലേക്ക് പോകുകയായിരുന്നു കെ.എസ്.ആര്‍.ടി.സി ബസ്സും ടിപ്പര്‍ ലോറിയും കൂട്ടിയിടിച്ച് മുപ്പതോളം പേര്‍ക്ക് പരുക്കേറ്റു.
 പരുക്കേറ്റവരെ കോഴിക്കോട് മെഡിക്കല്‍ കോളജിലും താമരശ്ശേരി താലൂക്ക് ആശുപത്രിയിലും പ്രവേശിപ്പിച്ചു.  താമരശ്ശേരി -എടവണ്ണ സംസ്ഥാന പാതയില്‍ രാവിലെ എട്ടരയോടെയാണ് സംഭവം.
ലോറി ഡ്രൈവര്‍ അരീക്കോട് മുള്ളന്‍മടക്കല്‍ പ്രേംജിത് (34)നാണ് ഗുരുതമായ പരുക്കുണ്ട്. ബസ് യാത്രക്കാരായ അജിത് പൂതാടി(30), വിജി(35),ഉണ്ണികുളം ഇബ്രാഹീം(50),മുഹമ്മദ് എളമന്തം(50),തച്ചംപൊയില്‍ ശ്രീജ(33) എന്നിവരെ കോഴിക്കോട് മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.