തിരുവനന്തപുരം: രാജ്യത്തെ കലാപഭൂമിയാക്കി കേന്ദ്രഭരണം പിടിച്ചടക്കിയ ആര്‍.എസ്.എസും ബി.ജെ.പിയും അവരുടെ അജന്‍ഡ നടപ്പാക്കാന്‍ കേരളത്തിലും വ്യാപകമായി കലാപം സൃഷ്ടിക്കുകയാണെന്ന് സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന്‍. ആര്‍.എസ്.എസ്, ബി.ജെ.പി ഭീകരതയ്ക്കും കള്ളപ്രചാരണത്തിനുമെതിരേ രാജ്യവ്യാപക പ്രതിഷേധ ദിനാചരണത്തിന്റെ ഭാഗമായി സെക്രട്ടേറിയറ്റിനു മുന്നില്‍ സി.പി.എം സംഘടിപ്പിച്ച ജനകീയ കൂട്ടായ്മ ഉദ്ഘാടനം ചെയ്യുകയായിരുന്നു അദ്ദേഹം. ഹിറ്റ്‌ലറിസത്തിന്റെ റിഹേഴ്‌സലാണിപ്പോള്‍ നടക്കുന്നത്.
കേരളത്തില്‍ എല്ലാ രാഷ്ട്രീയ കൊലപാതകങ്ങള്‍ക്കും സംഘര്‍ഷങ്ങള്‍ക്കും തുടക്കമിടുന്നത് ആര്‍.എസ്.എസാണെന്നും അദ്ദേഹം പറഞ്ഞു.