പട്‌ന: എതിര്‍വാക്കു സംസാരിച്ചാല്‍ തന്റെ ഭര്‍ത്താവിന് തന്നെ അടിച്ചൊതുക്കാന്‍ അവകാശമുണ്ടെന്ന് വിശ്വസിക്കുന്നവരാണ് ബിഹാറിലെ മുപ്പത്തിയേഴു ശതമാനം സ്ത്രീകളും.

ഭര്‍തൃമതാവും പിതാവുമടക്കമുള്ള ബന്ധുക്കളോട് അപമര്യാദയായി പെരുമാറിയാലും തങ്ങളെ ശിക്ഷിക്കാന്‍ ഭര്‍ത്താവിന് അധികാരമുണ്ടെന്ന് ഇവരില്‍ 41 ശതമാനം വിശ്വസിക്കുന്നു.

മുംബൈ ആസ്ഥാനമായുള്ള നാഷനല്‍ ഫാമിലി ഹെല്‍ത്ത് സര്‍വേയുടെ റിപ്പോര്‍ട്ടാണിത്. 45812 സ്ത്രീകള്‍ക്കിടയിലാണ് സര്‍വേ നടത്തിയത്.

കുട്ടികളെ നോക്കിയില്ലെങ്കില്‍, വീടു നന്നായി കൊണ്ടുനടന്നില്ലെങ്കില്‍, ഭക്ഷണം നന്നായില്ലെങ്കില്‍ എല്ലാം തങ്ങളെ ഭര്‍ത്താക്കന്‍മാര്‍ക്ക് ശിക്ഷിക്കാമെന്നും ബഹുഭൂരിഭാഗവും വിശ്വസിക്കുന്നതായി സര്‍വേ പറയുന്നു.