തിരുവനന്തപുരം: യു.ഡി.എഫ് നേതൃയോഗങ്ങള്‍ 18ന് കോഴിക്കോട് ലീഗ് ഹൗസിലും 25ന് തിരുവനന്തപുരം കന്റോണ്‍മെന്റ് ഹൗസിലും ചേരുമെന്ന് കണ്‍വീനര്‍ പി.പി തങ്കച്ചന്‍ അറിയിച്ചു. പ്രതിപക്ഷനേതാവ് രമേശ് ചെന്നിത്തല നയിക്കുന്ന 'പടയൊരുക്കം' യാത്രയ്ക്ക് മുന്നോടിയായിട്ടാണ് യോഗം. കോഴിക്കോട് ലീഗ് ഹൗസില്‍ നടക്കുന്ന യോഗത്തില്‍ കാസര്‍കോട്, കണ്ണൂര്‍, വയനാട് കോഴിക്കോട്, മലപ്പുറം, പാലക്കാട്, തൃശൂര്‍ ജില്ലകളിലെ നേതാക്കള്‍ പങ്കെടുക്കും. 25ന് തിരുവനന്തപുരം കന്റോണ്‍മെന്റ് ഹൗസില്‍ ചേരുന്ന യോഗത്തില്‍ എറണാകുളം, ഇടുക്കി, കോട്ടയം, ആലപ്പുഴ, പത്തനംതിട്ട, കൊല്ലം, തിരുവനന്തപുരം ജില്ലകളിലെ നേതാക്കള്‍ സംബന്ധിക്കും.
പെട്രോള്‍, പാചകവാതക വിലവര്‍ധനവിനെതിരേ യു.ഡി.എഫ് 16 ന് ആഹ്വാനം ചെയ്തിരിക്കുന്ന ഹര്‍ത്താലിന് മുന്നോടിയായി 15ന് പഞ്ചായത്ത്തലത്തില്‍ പ്രകടനം നടത്തുമെന്നും പി.പി തങ്കച്ചന്‍ അറിയിച്ചു.