കൊണ്ടോട്ടി: ഷാര്‍ജയില്‍ നിന്ന് കരിപ്പൂരിലെത്തിയ യാത്രക്കാരനില്‍ നിന്ന് വിദേശ സിഗരറ്റുകള്‍ കരിപ്പൂര്‍ എയര്‍ കസ്റ്റംസ് പിടികൂടി. ഇന്നലെ രാവിലെ എയര്‍ ഇന്ത്യ വിമാനത്തില്‍ കരിപ്പൂരിലെത്തിയ കൊടുവളളി വലിയപറമ്പ് സ്വദേശി ഫവനാസ്(24)എന്ന യാത്രക്കാരനില്‍ നിന്നാണ് സിഗരറ്റുകള്‍ പിടികൂടിയത്.
ബാഗേജിനുള്ളില്‍ ഒളിപ്പിച്ച നിലയിലായിരുന്നു ഇവ. 40 കാര്‍ട്ടണുകളിലായി എണ്ണായിരം സിഗരറ്റുകളാണ് ഉണ്ടായിരുന്നത്. ഇവക്ക് ഇന്ത്യന്‍ വിപണയില്‍ 80,000 രൂപ വില ലഭിക്കും. ഈ മാസം ഒന്നിനാണ് ഫവനാസ് കരിപ്പൂര്‍ വഴി ഷാര്‍ജക്ക് പോയത്. ഇതില്‍ സംശയം തോന്നിയാണ് അധികൃതര്‍ ബാഗേജ് പരിശോധിച്ചത്. സ്വര്‍ണക്കടത്ത് വര്‍ധിച്ചതോടെ കരിപ്പൂര്‍ വിമാനത്താവളത്തില്‍ യാത്രക്കാരെ കര്‍ശന പരിശോധനക്ക് വിധേയമാക്കുന്നുണ്ട്.