മുംബൈ: ബോളിവുഡിന്റെ 'ബിഗ് ബി' അമിതാഭ് ബച്ചന് ഇന്ന് 75ാം പിറന്നാള്‍. അദ്ദേഹത്തിന് പ്രധാനമന്ത്രി നരേന്ദ്ര മോദി ആശംസകള്‍ നേര്‍ന്നു. 1942 ഒക്ടോബര്‍ 11 ന് ഹരിവന്‍ഷ റായ് ബച്ചന്റെയും തേജി ബച്ചന്റെയും മകനായാണ് അമിതാഭിന്റെ ജനനം. 1970 കളില്‍ പ്രശസ്തിയുടെ പടികള്‍ കയറി തുടങ്ങിയ അദ്ദേഹത്തിന് നിരവധി പുരസ്‌കാരങ്ങള്‍ ലഭിച്ചിട്ടുണ്ട്. 1984ല്‍ പത്മശ്രീയും 2001ല്‍ പത്മഭൂഷന്‍ പുരസ്‌കാരവും 2015ല്‍ പത്മവിഭൂഷനും നല്‍കി രാജ്യം അദ്ദേഹത്തെ ആദരിച്ചിരുന്നു.