സോള്‍: ഉത്തരകൊറിയക്ക് മുകളിലൂടെ വീണ്ടും യുദ്ധ വിമാനം പറത്തി പ്രകോപനവുമായി യു.എസ്. ഗുവാം ദ്വീപില്‍ നിന്ന് കഴിഞ്ഞ ദിവസം രാത്രിയാണ് വിമാനം പറന്നുയര്‍ന്നത്. എസ്. ബി-1ബി പോര്‍ വിമാനങ്ങളാണ് ഇന്നലെ പറത്തിയത്. ഉത്തരകൊറിയയുമായി യു.എസ് തുടരുന്ന സംഘര്‍ഷ സാഹചര്യം ഇതോടെ രൂക്ഷമാവും. ദക്ഷിണ കൊറിയ, ജപ്പാന്‍, യു.എസ് സംയുക്ത സൈനിക അഭ്യാസം നടത്തുന്നതിനിടെയാണ് ഉ.കൊറിയന്‍ അതിര്‍ത്തിയിലേക്ക് ബോംബര്‍ വിമാനം പറത്തിയത്. യു.എസ് ബോംബര്‍ വിമാനങ്ങള്‍ ആദ്യമായാണ് ജപ്പാന്‍, ദക്ഷിണ കൊറിയ എന്നീ രാഷ്ട്രങ്ങളിലെ യുദ്ധ വിമാനങ്ങളുമായി ചേര്‍ന്ന് പരിശീലനം നടത്തുന്നത്.
യു.എസ് പ്രസിഡന്റ് ട്രംപും ദേശീയ സുരക്ഷാ വിഭാഗവും ഉത്തരകൊറിയയുടെ ഭീഷണികള്‍ കഴിഞ്ഞ ദിവസം അവലോകനം ചെയ്തു. ഉത്തരകൊറിയന്‍ ഭരണാതികാരി കിം ജോങ് ഉന്നിന്റെയും ട്രംപിന്റെയും ഇടയില്‍ രൂക്ഷമായ പ്രസ്താവനകള്‍ കഴിഞ്ഞ ആഴ്ചകള്‍ക്കിടയിലുണ്ടായിരുന്നു.