അഹമ്മദാബാദ്: ഈ സോഷ്യല്‍ മീഡിയാ കാലത്ത് എന്തബദ്ധം പിണഞ്ഞാലും പെട്ടതു തന്നെ. അത് രാജ്യം മുഴുവന്‍ ഉറ്റു നോക്കുന്ന ഒരാള്‍ക്കായാലോ..പിന്നെ പറയേണ്ട. സോഷ്യല്‍ മീഡിയക്ക് കൊയ്ത്തായി. കോണ്‍ഗ്രസ് അധ്യക്ഷന്‍ രാഹുലിന് പറ്റിയ അമളിയാണിപ്പോള്‍ സോഷ്യല്‍ മീഡിയ ആഘോഷിക്കുന്നത്. അറിയാതെ പെണ്ണുങ്ങളുടെ ശൗചാലചത്തില്‍ കയറിയതാണ് രാഹുലിനെ വെട്ടിലാക്കിയത്.

ഗുജറാത്തി വായിക്കാനറിയാത്തതാണ് രാഹുലുനെ കുഴക്കിയത്. കഴിഞ്ഞ ദിവസം ഉദ്ദേപുര്‍ ജില്ലയിലെ ഛോട്ടയിലാണ് സംഭവം നടന്നത്. നവസര്‍ജന്‍ യാത്രയില്‍ പങ്കെടുത്ത് മടങ്ങുന്നതിനിടെ രാഹുല്‍ഗാന്ധി പെട്ടെന്ന് കണ്ണില്‍പെട്ട ഒരു ശൗചാലയത്തിന് അരികിലേക്ക് നീങ്ങുകയായിരുന്നു. സ്ത്രീകളുടെ ശൗചാലയം എന്ന് അവിടെ ഗുജറാത്തിയില്‍ എഴുതിവെച്ചിരുന്നുവെങ്കിലും ഇത് വായിക്കാന്‍ രാഹുല്‍ ഗാന്ധിക്ക് കഴിയഞ്ഞില്ല. എന്നാല്‍ അബദ്ധം മനസിലായ അദ്ദേഹം ഉടന്‍ തന്നെ തിരിച്ചിറങ്ങി. അവിടെ കൂിനിന്നവര്‍ ഇത് ക്യാമറയിലാക്കി. മാത്രമല്ല ട്വിറ്ററില്‍ പോസ്റ്റുകയും ചെയ്തു.

എന്തു ചെയ്യാനാ...ശൗചാലയ അനുഭവം പുറത്ത് കാത്തിരുന്ന മാധ്യമപ്രവര്‍ത്തകര്‍ക്ക് വിശദീകരിച്ച് കൊടുക്കേണ്ടിയും വന്നു കോണ്‍ഗ്രസ് ഉപാധ്യക്ഷന്.