കൊച്ചി: സംസ്ഥാനത്ത് ത്രീസ്റ്റാര്‍ മുതലുള്ള ഹോട്ടലുകള്‍ക്ക് ബാര്‍ ലൈസന്‍സ് അനുവദിക്കാമെന്നതാണ് സര്‍ക്കാരിന്റെ നയപരമായ തീരുമാനമെന്നും ടൂ സ്റ്റാര്‍ മുതല്‍ താഴേക്കുള്ള ഹോട്ടലുകള്‍ക്ക് ബാര്‍ അനുവദിക്കാനാവില്ലെന്നും സര്‍ക്കാര്‍ ഹൈക്കോടതിയില്‍ അറിയിച്ചു. ത്രീസ്റ്റാര്‍ മുതലുള്ള ഹോട്ടലുകള്‍ക്ക് മാത്രം ബാര്‍ അനുവദിക്കുന്ന പുതിയ മദ്യനയത്തെ ചോദ്യം ചെയ്ത് കേരള ബാര്‍ ഹോട്ടല്‍സ് അസോസിയേഷന്‍ സമര്‍പ്പിച്ച ഹരജിയിലാണ് നികുതി വകുപ്പ് അണ്ടര്‍ സെക്രട്ടറി എസ്. മുരളി സത്യവാങ്മൂലം സമര്‍പ്പിച്ചത്.