കൊച്ചി: ശബരിമലയില്‍ സ്ത്രീപ്രവേശന വിഷയത്തില്‍ വിവാദപരമര്‍ശവുമായി തിരുവിതാംകൂര്‍ ദേവസ്വം പ്രസിഡന്റ് പ്രയാര്‍ ഗോപാലകൃഷ്ണന്‍. ശബരിമലയെ തായ്‌ലാന്‍ഡ് പോലെയാക്കരുതെന്ന് പ്രയാര്‍ ഗോപാലകൃഷ്ണന്‍.

ഹിന്ദുവിശ്വാസങ്ങള്‍ സംരക്ഷിക്കപ്പെടണം. അതിനാല്‍ പത്തിനും 50തിനും ഇടയില്‍ പ്രായമുള്ള സ്ത്രീകളെ ശബരിമലയില്‍ കയറ്റാന്‍ പാടില്ലെന്നാണ് നിലപാട്. കേസ് ഭരണഘടനാ ബെഞ്ചിന് വിട്ടത് സ്വാഗതാര്‍ഹമാണെന്നും അദ്ദേഹം പറഞ്ഞു.

ഇനി കോടതി വിധിച്ചാലും മാനം മര്യാദയുമുള്ള സ്ത്രീകളാരും ശബരിമലയിലേക്ക് വരില്ലെന്നും പ്രയാര്‍ഗോപാലകൃഷ്ണന്‍ കൂട്ടിച്ചേര്‍ത്തു.