റിയാദ്: അമേരിക്ക നേരത്തെ ഇറാനുമായി ഒപ്പുവച്ച ആണവകരാര്‍ റദ്ദാക്കുമെന്ന അമേരിക്കന്‍ പ്രസിഡന്റ് ഡൊണാള്‍ഡ് ട്രംപിന്റെ പ്രസ്താവനയെ സ്വാഗതം ചെയ്ത് സഊദി അറേബ്യ രംഗത്തെത്തി. 2015ല്‍ ബരാക് ഒബാമ ഒപ്പുവച്ച കരാറിനെ കഴിഞ്ഞ ദിവസം ട്രംപ് ഔദ്യോഗികമായി തള്ളിപ്പറയുകയും കരാര്‍ റദ്ദാക്കുമെന്ന് അറിയിക്കുകയും ചെയ്തിരുന്നു.
ഇറാന്റെ ദ്രോഹപരമായ പെരുമാറ്റത്തിനെതിരേ ട്രംപ് എടുത്ത നിര്‍ണായകമായ തീരുമാനം തങ്ങള്‍ സ്വാഗതം ചെയ്യുന്നുവെന്ന് സഊദി വാര്‍ത്താ ഏജന്‍സി റിപ്പോര്‍ട്ട് ചെയ്തു. മേഖലയിലെ രാജ്യങ്ങളുടെ സുരക്ഷയ്ക്കായുള്ള ട്രംപിന്റെ വ്യക്തമായ നിലപാടാണ് ഇതു വ്യക്തമാക്കുന്നതെന്നും സഊദി വിലയിരുത്തി.