ന്യൂഡല്‍ഹി: കാലാനുസൃതമായ മാറ്റങ്ങള്‍ക്ക് പാര്‍ട്ടി വിധേയമാവണമെന്ന് കേന്ദ്ര കമ്മിറ്റിയില്‍ വി.എസ് അച്യുതാനന്ദന്‍.

കേന്ദ്രത്തില്‍ സി.പി.എമ്മിന്റെ നേതൃത്വത്തില്‍ ഒരു മതേതര ബദല്‍ മുന്നണി ഉണ്ടാക്കണം. ഫാഷിസ്റ്റ് ഭീഷണി തടയുന്നതിനാണ് പാര്‍ട്ടി പ്രഥമ പരിഗണന നല്‍കേണ്ടത്. നിലവിലെ നയം മാറ്റി പുതിയ നയം രൂപീകരിക്കണം. ഭരണമുള്ളിടത്ത് നടക്കുന്ന വ്യതിയാനങ്ങള്‍ തടയണമെന്നും വി.എസ് ഡല്‍ഹിയില്‍ നടക്കുന്ന കേന്ദ്രകമ്മിറ്റിയില്‍ ഉന്നയിച്ചു. പാര്‍ട്ടി ജനററല്‍ സെക്രട്ടറി സീതാറാം യെച്ചൂരിക്ക് പന്തുണയുമായാണ് വി.എസ് കേന്ദ്രകമ്മിറ്റിയിലെത്തിയത്.