പനമരം: ഗവ. ഹയര്‍ സെക്കന്‍ഡറി സ്‌കൂളില്‍ ഒ.ആര്‍ കേളു എം.എല്‍.എക്ക് സ്വീകരണം നല്‍കി. ജില്ലാ പഞ്ചായത്ത് പ്രസിഡന്റ് ഉഷാ കുമാരി അധ്യക്ഷയായി. ഗോത്ര വിഭാഗങ്ങളുടെ വിദ്യാഭ്യാസ ഉന്നമനത്തിനായി സ്‌കൂളിന്റെ തനത് പദ്ധതിയായ ഉണര്‍ത്താം ഉയര്‍ത്താം എന്ന വിദ്യാഭ്യാസ പരിപോഷണ പദ്ധതി എം.എല്‍.എ ഉദ്ഘാടനം ചെയ്തു.
എന്‍.എസ്.എസ് യൂനിറ്റ് പ്രവര്‍ത്തനോദ്ഘാടനം ജില്ലാ പഞ്ചായത്ത് വൈസ് പ്രസിഡന്റ് പി.കെ അസ്മത്തും വായിച്ചു വളരാം, കളിച്ചു വളയാം എന്നീ പദ്ധതികള്‍ പനമരം ബ്ലോക്ക് പഞ്ചായത്ത് പ്രസിഡന്റ് ദിലീപ് കുമാറും പനമരം ബ്ലോക്ക് പഞ്ചായത്തംഗം സതീ ദേവിയും നിര്‍വഹിച്ചു. പനമരം ഗ്രാമ പഞ്ചായത്തംഗം എം.ഐ ചാക്കോ, പി.ടി.എ പ്രസിഡന്റ് എം കുഞ്ഞമ്മദ്, മദര്‍ പി.ടി.എ പ്രസിഡന്റ് റഹീന, പി.ജെ ലിസി, ബി ശകുന്തള, അബ്ദുല്‍ റസാഖ്, ടി.ടി ജയിംസ്, പ്രിന്‍സിപ്പല്‍ ഇന്‍ ചാര്‍ജ് എം ജയരാജ്, പ്രധാനാധ്യാപിക റോസമ്മ സാലിഗ്രാമത്ത് സംസാരിച്ചു.