മലപ്പുറം: കുടുംബം സഞ്ചരിച്ച ഓട്ടോയില്‍ സ്വകാര്യ ബസിടിച്ച് ബാലിക മരിച്ചു. ഓട്ടോയിലുണ്ടായിരുന്ന അഞ്ച് വയസുകാരനും ഓട്ടോഡ്രൈവര്‍ക്കും പരുക്കേറ്റു.

മക്കരപറമ്പ് വെങ്കിട്ട വരിക്കോട്ട് പറമ്പില്‍ നൗഷാദ്-ഫാത്തിമ സഹീറ ദമ്പതികളുടെ മകള്‍ ഫാത്തിമ ഫിസ (മൂന്ന്) ആണ് മരിച്ചത്.ചൊവ്വാഴ്ച വൈകീട്ട് നാലോടെയാണ് അപകടം. ഫിസയുടെ സഹോദരന്‍ മുഹമ്മദ് നഹീം (അഞ്ച്), ഓട്ടാ ഡ്രൈവര്‍ കബീര്‍ (45) എന്നിവര്‍ക്കാണ് പരുക്കേറ്റത്. കുടുംബവുമായി ഓട്ടോയില്‍ യാത്ര ചെയ്യുന്നതിനിടെ കൂട്ടിലങ്ങാടി കടുങ്ങൂത്ത് വച്ചായിരുന്നു അപകടം.

കോഴിക്കോട് നിന്ന് പാലക്കാട്ടേക്ക് പോകുകയായിരുന്ന 'ഇതിഹാസ' ബസാണ് മറ്റൊരു വാഹനത്തെ മറികടക്കാന്‍ ശ്രമിക്കുന്നതിനിട ഓട്ടോയില്‍ ഇടിച്ചത്. പരുക്കേറ്റവരെ മലപ്പുറം സഹകരണ ആശുപത്രിയിലും തുടര്‍ന്ന് പെരിന്തല്‍മണ്ണ സ്വകാര്യ ആശുപത്രിയിലും പ്രവേശിപ്പിച്ചു. മലപ്പുറം താലൂക്ക് ആശുപത്രിയില്‍ സൂക്ഷിച്ച മൃതദേഹം ബുധനാഴ്ച പോസ്റ്റുമോര്‍ട്ടത്തിനു ശേഷം വറ്റലൂര്‍ ജുമാ മസ്ജിദ് ഖബര്‍സ്ഥാനില്‍ ഖബറടക്കും.