റിയാദ്: സംശയകരമായ നിലയില്‍ വരുമാനം കണ്ടെത്തിയ ഇന്ത്യക്കാരുടെ ബാങ്ക് അക്കൗണ്ടുകളും വിവരങ്ങളും പരിശോധിക്കാനുള്ള നടപടി സഊദി വാണിജ്യ മന്ത്രാലയം ആരംഭിച്ചു. കേന്ദ്ര സര്‍ക്കാര്‍ അഭ്യര്‍ത്ഥന പ്രകാരമാണ് സഊദി ഇത്തരത്തില്‍ ഒരു പരിശോധന ആരംഭിക്കുന്നത്. ഏകദേശം 2000 ആളുകളുടെ വിവരങ്ങള്‍ ഇന്ത്യന്‍ എന്‍ഫോഴ്‌സ്‌മെന്റ് വിഭാഗം സഊദി വാണിജ്യ മന്ത്രാലയത്തിന് കൈമാറിയിട്ടുണ്ട്.

ഇത്തരത്തില്‍ സംശയാസ്പദമായ അക്കൗണ്ട് ഉടമകളുടെ ജോലി ചെയ്യുന്ന സ്ഥാപനത്തിലേക്ക് സഊദി വാണിജ്യ മന്ത്രാലയം നോട്ടിസ് നല്‍കിയിട്ടുണ്ട്. ഇത് കണ്ടത്തിയാല്‍ സഊദി ഇവര്‍ക്കെതിരെയും പിന്നിലുള്ളവര്‍ക്കെതിരെയും നിയമനടപടികള്‍ സ്വീകരിക്കും. തുടര്‍ന്നായിരിക്കും ഇന്ത്യക്ക് കൈമാറുക.