തിരുവനന്തപുരം: സോളാര്‍ റിപ്പോര്‍ട്ട് ലഭിക്കാത്തതില്‍ പ്രതിപക്ഷത്തിന് ആശങ്ക വേണ്ടെന്ന് സി.പി.എം കേന്ദ്ര കമ്മിറ്റിയംഗം എളമരം കരീം.

എന്തായാലും റിപ്പോര്‍ട്ട് പുറത്തുവരും. നിയമപരമായി തന്നെയാണ് സര്‍ക്കാര്‍ റിപ്പോര്‍ട്ടിനെ സമീപിച്ചിരിക്കുന്നത്. അതുകൊണ്ടു തന്നെ മറച്ചുവയ്ക്കാനൊന്നുമില്ല. സരിതയുടെ മാത്രം മൊഴിയെ അടിസ്ഥാനമാക്കിയല്ല, മറിച്ച് നൂറുകണക്കിനാളുകളുടെ മൊഴികളുടെ നാനാവശങ്ങള്‍ പരിശോധിച്ചാണ് കമ്മിഷന്‍ റിപ്പോര്‍ട്ട്.

എല്ലാ നിയമവശങ്ങളും പരിശോധിച്ച് ആറുമാസത്തിനുള്ളില്‍ റിപ്പോര്‍ട്ട് നിയമസഭയ്ക്കുള്ളില്‍ സമര്‍പ്പിക്കുമെന്നും എളമരം മാധ്യമപ്രവര്‍ത്തകരുടെ ചോദ്യത്തിന് മറുപടി നല്‍കി.