മനാമ: സമസ്ത ബഹ്‌റൈന്‍ ഗുദൈബിയ ഏരിയ സംഘടിപ്പിക്കുന്ന സൗജന്യ മെഗാ മെഡിക്കല്‍ ക്യാംപ് വെള്ളിയാഴ്ച കാലത്ത് 7 മണി മുതല്‍ ഉച്ചക്ക്1മണി വരെ ബഹ്‌റൈനിലെ ഗുദൈബിയയിലുള്ള ആസ്റ്റര്‍ മെഡിക്കല്‍ സെന്ററില്‍ നടക്കും.

ഗുദൈബിയയിലെ സമസ്ത മദ്‌റസയായ അല്‍ ഹുദ തഅലീമുല്‍ ഖുര്‍ആന്‍ മദ്രസ ദശ വാര്‍ഷികത്തിന്റെ ഭാഗമായി ഒരു വര്‍ഷം നീണ്ടു നില്‍ക്കുന്ന വിവിധ പരിപാടികളുടെ ഭാഗമായാണ് മെഗാ മെഡിക്കല്‍ ക്യാമ്പ് സംഘടിപ്പിക്കുന്നത്.

ബഹ്‌റൈന്‍ ആസ്റ്റര്‍ മെഡിക്കല്‍ സെന്ററുമായി സഹകരിച്ച് നടക്കുന്ന മെഡിക്കല്‍ ക്യാന്പില്‍ വിവിധ മേഖലകളിലെ ഡോക്ടര്‍മാരുടെ സേവനം ലഭ്യമായിരിക്കുമെന്നും സംഘാടകര്‍ അറിയിച്ചു.
ജനറല്‍ മെഡിസിന്‍, ഗൈനക്കോളജി, ശിശുരോഗ വിഭാഗം, ദന്‍തല്‍, ചര്‍മ്മരോഗ വിഭാഗം, ഇ എന്‍ ടി, നേത്രരോഗ വിഭാഗം, എല്ല് രോഗ വിഭാഗം തുടങ്ങിയ വിഭാഗങ്ങളിലെ പ്രശസ്തരായ 13 ഡോക്ടര്‍മാരുടെ സേവനവും സൌജന്യ മെഡിസിനും ക്യാന്പില്‍ ലഭ്യമായിരിക്കും. ആദ്യം രജിസ്റ്റര്‍ ചെയ്യുന്ന 1000 പേര്‍ക്കാണ് അവസരം. ബഹ്‌റൈനിലെ പ്രമുഖര്‍ പങ്കെടുക്കുന്ന ഉദ്ഘാടന ചടങ്ങ് 9.മണിക്ക് നടക്കും. കൂടുതല്‍ വിവരങ്ങള്‍ക്കും സൗജന്യ രജിസ്‌ട്രേഷനും 0097333773767, 39256178, 39234072, 39268859 എന്നീ നംബറില്‍ നേരിട്ടോ വാട്‌സ്അപ്പ് വഴിയോ ബന്ധപ്പെടാവുന്നതാണ്.