റിയാദ്: യമന്‍ സര്‍ക്കാരിന് വേണ്ടി യുദ്ധത്തിലേര്‍പ്പെട്ട സഖ്യസേനയുടെ ഹെലികോപ്റ്റര്‍ തകര്‍ന്ന് രണ്ടു യു.എ.ഇ പൈലറ്റുമാര്‍ കൊല്ലപ്പെട്ടു. യു.എ.ഇ സേനയിലെ മേജര്‍ പൈലറ്റ് അലി സഈദ് സൈഫ് അല്‍ മിസ്മരി, പൈലറ്റ് ബദര്‍ യഹ്‌യ മുഹമ്മദ് അല്‍ മര്‍ശദി എന്നിവരാണ് കൊല്ലപ്പെട്ടത്. ഇന്നലെ വൈകിട്ടാണ് സംഭവം. സാങ്കേതിക തകരാര്‍മൂലം ഹെലികോപ്റ്റര്‍ അപകടത്തില്‍പ്പെടുകയായിരുന്നുവെന്ന് സഖ്യസേന വ്യക്തമാക്കി. നിരീക്ഷണ പറക്കലിനിടെയാണ് സാങ്കേതിക തകരാര്‍ കണ്ടെത്തിയതിനെ തുടര്‍ന്ന് അടിയന്തര ലാന്‍ഡിങ് നടത്തുന്നതിനിടെയാണ് അപകടമുണ്ടായത്.