കാബൂള്‍: കാബൂളില്‍ ചാവേറാക്രമണം. ഷിയ പള്ളിയിലാണ് ആക്രമണമുണ്ടായത്. അഫ്ഗാനിലെ ഗോര്‍ പ്രവിശ്യയിലെ ഇമാം സമാന്‍ പള്ളിക്ക് നേരെയാണ് ആക്രമണം നടന്നത്. സ്‌ഫോടനത്തില്‍ മുപ്പതിലധികം പേര്‍ കൊല്ലപ്പെട്ടതായി റിപ്പോര്‍ട്ട്. ആക്രമണത്തില്‍ 45 പേര്‍ക്ക് പരുക്കേറ്റു. പരുക്കേറ്റവരെ സമീപത്തുള്ള ആശുപത്രികളില്‍ പ്രവേശിപ്പിച്ചിരിക്കുകയാണ്.

കാല്‍ നടയായി എത്തിയ ആക്രമി പള്ളിക്ക്് സമീപം എത്തിയപ്പോള്‍ സ്വയം പൊട്ടിത്തെറിക്കുകയായിരുന്നുവെന്ന് അധികൃതര്‍ അറിയിച്ചു.

ആക്രമണത്തിന്റെ ഉത്തരവാദിത്തം ആരും ഏറ്റെടുത്തിട്ടില്ല. എങ്കിലും ഐ.എസ് ആണ് ആക്രമണത്തിന് പിന്നിലെന്നാണ് വാര്‍ത്തകള്‍. മുന്‍പും ഐ.എസ് ഷിയ പള്ളികളെ ആക്രമിക്കാന്‍ ലക്ഷ്യം വച്ചിട്ടുണ്ട്.