അഗര്‍ത്തല:കന്നുകാലി കള്ളക്കടത്തുകാരുടെ ആക്രമണത്തില്‍ പരുക്കേറ്റ ബി.എസ്.എഫ് ജവാന്‍ മരിച്ചു. ത്രിപുരയില്‍ ഇന്ത്യ-ബംഗ്ലാദേശ് അതിര്‍ത്തി ജില്ലയായ സിപാഹിജാലയിലെ ബലര്‍ദെപ്പ അതിര്‍ത്തി ഗ്രാമത്തിലായിരുന്നു ആക്രമണം. ബി.എസ്.എഫ് സെക്കന്‍ഡ് കമാന്‍ഡ് ഓഫിസര്‍ ദീപക് കെ. മണ്ഡലാണ് മരിച്ചതെന്ന് ബി.എസ്.എഫ് വക്താവ് അറിയിച്ചു. ആക്രമണത്തില്‍ പരുക്കേറ്റ ഇദ്ദേഹത്തെ വിദഗ്ധ ചികിത്സക്കായി കൊല്‍ക്കത്തയില്‍ എത്തിച്ചിരുന്നു. ചികിത്സക്കിടയിലാണ് മരിച്ചത്.
കന്നുകാലി കള്ളക്കടത്ത് തടയാനുള്ള ശ്രമത്തിനിടയിലാണ് ഇദ്ദേഹത്തിന് നേരെ ആക്രണമുണ്ടായത്. അന്താരാഷ്ട്ര അതിര്‍ത്തിയില്‍ വേലിയില്ലാത്ത ഭാഗത്തുകൂടെ കന്നുകാലികളെ കടത്തുന്നത് സജീവമാണ്. ഇതിനെതിരേ ശക്തമായ നടപടിയാണ് ബി.എസ്.എഫ് സ്വീകരിക്കുന്നത്. ഇതിനിടയിലാണ് കള്ളക്കടത്തു സംഘത്തിന്റെ ആക്രമണം ഉണ്ടായത്.