ബംഗളൂരു: കരകൗശല വസ്തുക്കളെ ജി.എസ്.ടിയില്‍ നിന്ന് ഒഴിവാക്കണമെന്ന് കര്‍ണാടക മുഖ്യമന്ത്രി സിദ്ധരാമയ്യ കേന്ദ്ര സര്‍ക്കാരിനോട് ആവശ്യപ്പെട്ടു.
വീടുകള്‍ കേന്ദ്രീകരിച്ച് കൈകൊണ്ട് നിര്‍മിക്കുന്ന ഉല്‍പന്നങ്ങള്‍, സഹകരണ സംഘങ്ങള്‍ നിര്‍മിക്കുന്ന ഉല്‍പന്നങ്ങള്‍ എന്നിവയെല്ലാം ജി.എസ്.ടിയില്‍ നിന്ന് ഒഴിവാക്കണമെന്ന് അദ്ദേഹം ആവശ്യപ്പെട്ടു. ഇതുസംബന്ധിച്ച് കേന്ദ്ര ധനമന്ത്രിക്ക് അദ്ദേഹം കത്തയക്കുകയും ചെയ്തു. ജി.എസ്.ടി കൗണ്‍സില്‍ യോഗത്തില്‍ നികുതി നിശ്ചയിക്കേണ്ടതും ഒഴിവാക്കേണ്ടതുമായ വസ്തുക്കളുടെ മുന്‍ഗണനാ ലിസ്റ്റ് തയാറാക്കണമെന്ന ആവശ്യവും അദ്ദേഹം കേന്ദ്രത്തിന് അയച്ച കത്തില്‍ വ്യക്തമാക്കിയിട്ടുണ്ട്.
ജി.എസ്.ടിയുമായി ബന്ധപ്പെട്ട പ്രശ്‌നങ്ങളെക്കുറിച്ച് പഠിക്കാന്‍ അദ്ദേഹം പ്രത്യേക കമ്മിഷനെ നിയോഗിച്ചിട്ടുണ്ട്.